Tikungan Tahun 80-an

morning-at-vilage-roadTacongang … Tacongang, iyo tacongang…Apo nan tacongang……?

Takona dek ambo kigho-kigho tahun itulah unghang Tolu tacongan maliek pakokeh ughang PU mulai mambuek jalan linteh. Namoe  ASPAL BETON. Lai sitimbual, galoder, oto kopan manjungkek’an kosiak nan mambuek paja paja bakaghumun. Iyo lah.., patuik teh tacongang nyoh . Jalan nan salamoko nan pasti ditompuah  ughang daghima’e jo daghi Pasaman bagian Barat nak ka Padang ,nak ka Medan, ka Bukik  Tenggi, yang sabolum’e jalan ba-batu, bakarekel  jo lubang-lubang tompek oto tapughuak (kadang ba agiah gagham) kini lah itam licin. Licin..yo lobiah licin daghi lantai papan ghumah ambo.

Tapi Ambo jo kawan-kawan….

Tapi Ambo jo kawan-kawan samo godang nyoh yang tacongang. Ntah kok nan pejabat, pamuko masyarakat, nan codiak pandai e nan di Tolu jo di ghantau wakotu itu, ntah lah…!

Tapi maso itu kalo ndok salah sa ighiang lo dengan ughang  mambukak jalan Manggopoh. Nah…! Tontang iko, tontang ughang nan mambukak jalan Manggopoh ko ndo bogha ughang Tolu nan tacongang doh. Mungkin dek pangona ka jalan nan ghancak copek sampai di Padang ro. Iyo the, nan kitoh copek sampai ka Padang . 4-6 jam sampai.

Tapi……

Sudah itu baghu tacongang… Ba’a kok mulai longang longang lo Tolu ko ha ?……. Ambo nan biaso bakaluyuran, bagadang, di bawah lampu teras Tikam Tuo, Sederhana, Persamaan mulai copek ughang ro basaok lopau.  Ba a mungkin?

Ha..kighoe oto UGS, Sampagul, PMP, Sirabungan jo Persamaan nan biasoe singgah di ‘mah makan ro ndo lewat Tolu lai …. Ughang daghi Ujuang Gadiang nak ka Padang ro lah cigin lewaik Manggopoh.. Baa teh lai…ndo teh lai, balongang-longang lo itoh lu. Lah lai tikungan e di Simpang Ompek.

Kok ambo ughang Codiak Pandai wakotu itu, pasti lai lah antisipasi ambo..ha..ha. supayo jang longang, jang konai tingga an Tolu ko. Kini ndo teh lai, sodang ka hilia toh madok.

Ambo kini takojuik…ndo tacongan ajo doh…, takojuik…!

Dulu ambo punyo lapangan tenis, yo sekedar tompek ambo bagoluik bagoliuk jo kawan samo godang (ndok main tenis). Pejabat yang main. Partamo iduik lampu listrik , partamo lai telepon yo di Tolu. Sikola apo ‘ndak e;SMP, SMPP, SPG, SKKP, sikola Agamo di Sungai Joniah tompek Muhamadiah masuak ka wilayah Pasaman ko. Masalah seni jang di baco lai, .ka Tolu ughang madok monga e jo

Kini ughang tolu lah mulai lo lai nan baghubah baso e : Kama ang yuang, Ambo ilie mbo leh..!

Memang lai kitoh ughang Tolu nan bakobun sawit di Ilia. Nah…! Disiko teh mulai manjala’e cagho-cagho Ilia ro, Cagho bagaul, sopan santun kebiasaan adaik ilia tabaok pulang, tapakaian lo di kampuang.

Disiko ambo ndok tacongang doh, tapi COMEH….comeh sa comeh comeh e. Comeh e yo kok godang lo pangaghuah cagho ilia masuak ka kampuang, yang salamo ko Tolu nan taghaso sojuak, nak mudo basantun pantang manyingguang mulai ilang. Dulu kitoh ndo lai nan bagaduah kok lai ughang bagholek, acara hiburan doh. Kini, ndo bagaduah ndo lomak… Dima datang eee…? Sia ma aja eee…? Manyolang baju pesta nak dagho ka Hilia, lah talokekan lo baju Jawa..ha..ha…ba cat itam lo koniang..ha..ha..ha..

Tapi ambo mintak ma’af juo tontang kasalahan ambo ndok lai manyambuangan generasi ambo ko ka adiak-adiak itoh di Tolu.

Tolu lah kacau ?…… Ndooooook !,    Lah mati ?…….. Ndoooooook !

Tolu lah jago…. Lah maggaliek…. Tingga basuah muko… nak balaghi lai ka tikungan tahun 80an cako. Untuang untuang sampai ditikungan ro kitoh bisa tancap gas tapacu yang lain e dengan mambaok proposal 17 Potensi Wisata Talamau

Ha… sanak sanak teh mananti e nyoh

Ma’afan lah ambo kok salah tulih yo sanak, ambo baghaja..

Ucok Talu

sumber disini

Iklan

11 responses to “Tikungan Tahun 80-an

  1. iduik tolu!!! Taghagak lo wak tngga d tolu ghasoe liak. Mudah2n slamo msh bkabuik pagi dtolu,msh bnyk jlan u mbanggakn tolu, ndk skedar nostalgia. Hmm..mudah2n objk wsta yg dkmbgkn ndok jd bumerag u tolu

      • Kawan, jika pada akhirnya
        aku tak pulang ke tanah lahir kita
        maka ketahuilah
        itu bukan pengkhianatan
        pada ladang bermain kita

        dan yakinlah,
        begini caraku memahami takdir-Nya

        pulanglah, selagi bisa memilih pulang …

      • kawan,
        tak pernah kusebut ini pengkhianatan
        karena kau bebas memilih,
        sebebas angin diladang bermain kita

        pulang? tentu
        aku akan pulang juga.. tetapi….

  2. org minang bukan, bukan jga tinggal d sumbar. Saudara org minang pun tak ad, brkunjung k sumbar jg tak pernah…. tp utk 6 paragraf prtma …mengertilah ap intinya, kl bleh tau arti kasiak, situmbuali, manggopoh, copek, gagham, pangona ap ya?

    • subhanallah, hebat bisa memahami tulisan ini :)..

      kasiak = pasir yang masih kasar
      situmbual = semacam traktor
      manggopoh = ini nama daerah
      copek = cepat
      gagham = garam
      pangona = ingatan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s